მანგისტაუს ოლქი (ყაზახეთის რესპუბლიკა) – 2017 წლის 1 მარტი

28 ივლისი, 2024

მანგისტაუს ოლქი მდებარეობს ყაზახეთის რესპუბლიკის სამხრეთ-დასავლეთ ნაწილში, კასპიის ზღვის აღმოსავლეთ სანაპიროზე. მანგისტაუ საპორტო და სამრეწველო რეგიონია, სადაც ყაზახეთის ნავთობის 25% მოიპოვება.

მოსახლეობა - 745,909.

ადმინისტრაციული ცენტრი - ქალაქი აქტაუ.

2005 წლის 03 ოქტომბერს აჭარის ავტონომიურ რესპუბლიკასა (საქართველო) და მანგისტაუს ოლქს (ყაზახეთის რესპუბლიკა) შორის ხელმოწერილი იქნა პროგრამა სავაჭრო-ეკონომიკური, სამეცნიერო-ტექნიკური და ჰუმანიტარული თანამშრომლობის შესახებ.

2017 წლის 1 მარტს გაფორმდა აჭარის ავტონომიურ რესპუბლიკასა (საქართველო) და მანგისტაუს ოლქს (ყაზახეთის რესპუბლიკა) შორის თანამშრომლობის მემორანდუმი.

აღნიშნული მემორანდუმის თანახმად მხარეები ხელს შეუწყობენ ურთიერთსასარგებლო თანამშრომლობის განვითარებას შემდეგ სფეროებში:

Ø  ვაჭრობა და ეკონომიკა;

Ø  ჯანდაცვა;

Ø  განათლება, კულტურა და სპორტი;

Ø  ტურიზმი;

Ø  ტრანსპორტი;

Ø  სოფლის მეურნეობა.

ბათუმის სახელმწიფო საზღვაო აკადემიას გაფორმებული აქვს მანგისტაუს ქ. აქტაუს უმაღლეს სასწავლო დაწესებულებასთან თანამშრომლობის მემორანდუმი.