ღვაწლმოსილი ექიმების დაჯილდოება
06 მარტი, 2025
აჭარის ჯანმრთელობისა და სოციალური დაცვის სამინისტრომ, აჭარის მოსახლეობის ჯანმრთელობის დაცვის სფეროში შეტანილი წვლილისთვის, ღვაწლმოსილი ექიმები, ოფთალმოლოგი - ელენე ჭანტურია და ნეფროლოგი - ლამარა გიორგაძე დააჯილდოვა.
მათ სამინისტროს სახელით სიგელი მინისტრის მოადგილეებმა, ზურაბ თენიეშვილმა და ილია ვერძაძემ გადასცეს.
ელენე ჭანტურიას პროფესიული საქმიანობის 50 წლიანი გამოცდილება აქვს. დაამთავრა ოდესის სამედიცინო ინსტიტუტის სამკურნალო ფაკულტეტი, გავლილი აქვს ოფთამოლოგიის მიმართულებით საკვალიფიკაციო კურსები სხვადასხვა ქვეყანაში. 1975 წლიდან მუშაობდა ბათუმის რესპუბლიკურ კლინიკურ საავადმყოფოში ექიმ-ოფთამოლოგად. მრავალი წლის განმავლობაში ხელმძღვანელობდა რესპუბლიკური საავადმყოფოს ოფთამოლოგიურ განყოფილებას.
ლამარა გიორგაძეს კი პროფესიული საქმიანობის 47 წლიანი გამოცდილება აქვს. დაამთავრა თბილისის სახელმწიფო სამედიცინო ინსტიტუტი. გაიარა საკვალიფიკაციო კურსები ნეფროლოგიაში. 1978 წლიდან მუშაობს ბათუმის რესპუბლიკურ კლინიკურ საავადმყოფოში სხვადასხვა პოზიციაზე.
იხილეთ გალერეა