ხელოვნური ინტელექტით აღჭურვილი ციფრული ტექნოლოგიები
28 მარტი, 2025
აჭარის ჯანმრთელობისა და სოციალური დაცვის მინისტრის პირველი მოადგილე, მარი ზანაქიძე, უმაღლესი საბჭოს და სამედიცინო საზოგადოების წარმომადგენლებთან ერთად კონფერენციას - ,,ხელოვნური ინტელექტით აღჭურვილი ციფრული ტექნოლოგიები ქირურგიის ეროვნული ცენტრის ბათუმის კლინიკაში“ დაესწრო.
კონფერენცია, კ. ერისთავის სახელობის ექსპერიმენტული და კლინიკური ქირურგიის ეროვნული ცენტრის ორგანიზებით გაიმართა. შეხვედრაზე პრეზენტაციები ქართველმა და უცხოელმა მომხსენებლებმა წარადგინეს, ისაუბრეს ისეთ მნიშვნელოვან საკითხებზე, როგორიცაა: 3 ტესლა მაგნიტურ რეზონანსული სისტემის უპირატესობები და გამოწვევები, მრტ სპექტროსკოპიისა და მრტ პერფუზიის როლი ნეირორადიოლოგიაში, ინოვაცია, გამოცდილება და ა.შ.
ციფრული 3 ტესლა მაგნიტურ-რეზონანსული ტომოგრაფი დასავლეთ საქართველოში, მხოლოდ ბათუმის ქირურგიის ეროვნულ ცენტრში ფუნქციონირებს. გარკვეული კატეგორიის პაციენტებს შესაძლებლობა აქვთ კვლევა ჩაიტარონ აჭარის ჯანდაცვის სამინისტროს დაფინანსებით.
იხილეთ გალერეა