ბათუმის იუსტიციის სახლში, 10 ეკომიგრანტი ოჯახისთვის საკუთრების რეგისტრაციის პროცედურა გაიმართა, რომელსაც სამინისტროს სტიქიით დაზარალებულთა საქმეების დეპარტამენტის უფროსი, დალი ქიქავა ესწრებოდა.

..ეკომიგრანტ ოჯახებს დღეს მივულოცეთ ახალი, უსაფრთხო საცხოვრისი. უნდა აღინიშნოს, რომ 2025 წელს,"ეკომიგრანტი ოჯახების საცხოვრებლით უზრუნველყოფის” პროგრამაში განხორციელებული ცვლილების თანახმად, ბენეფიციარს საშუალება აქვს პროგრამის ფარგლებში გათვალისწინებული თანხით, საკუთრებაში რეგისტრირებულ მიწის ნაკვეთებზე, შესაბამისი მუნიციპალიტეტის მიერ გაცემული მშენებლობის ნებართვის საფუძველზე ააშენოს საცხოვრებელი სახლი, რაც კიდევ უფრო ხელმისაწვდომს გახდის პროგრამას" - აღნიშნა, დალი ქიქავამ.

მიმდინარე წელს, პროგრამით ისარგებლებს სტიქიის შედეგად დაზარალებული 120 ოჯახი, რისვისაც ბიუჯეტიდან გამოყოფილია 6 მილიონ 240 000 ლარი.

სამინისტრო “ეკომიგრანტი ოჯახების საცხოვრებლით უზრუნველყოფის” პროგრამას 2016 წლიდან ახორციელებს, დღემდე პროგრამის ფარგლებში შეძენილია 889 საცხოვრებელი ფართი.