სტუდენტთა დახმარების პროგრამის ფარგლებში 600-მდე სტუდენტი დაფინანსდა
22 მაისი, 2025
სტუდენტთა დახმარების პროგრამის ფარგლებში, 2024-2025 სასწავლო წლის გაზაფხულის სემესტრში, 600-მდე სტუდენტი დაფინანსდა.
აჭარის განათლებისა და სპორტის სამინისტრო სტუდენტთა დახმარების პროგრამის ფარგლებში აჭარაში მცხოვრებ იმ სტუდენტებს აფინანსებს, რომლებიც უმაღლეს საგანმანათლებლო დაწესებულებებში საბაკალავრო, სამაგისტრო, მასწავლებლის მომზადების ინტეგრირებულ საბაკალავრო-სამაგისტრო, ვეტერინარიის სამაგისტრო, დიპლომირებული მედიკოსის/სტომატოლოგიის აკრედიტებულ საგანმანათლებლო პროგრამებზე სწავლობენ.
პროგრამის ფარგლებში ფინანსდებიან სტუდენტები, რომლებიც არიან მაღალმთიანი აჭარიდან; ობოლი დედით, მამით, ან უდედმამო; არიან მრავალშვილიანი ოჯახიდან; სტუდენტები, რომელთა ოჯახები რეგისტრირებული არიან სოციალურად დაუცველი ოჯახების მონაცემთა ერთიან ბაზაში და სხვა.
2025 წლის კონკურსში გამარჯვებული სტუდენტების მონაცემები იხილეთ ბმულზე
იხილეთ გალერეა