აჭარის საავტომობილო გზების დეპარტამენტის უფროსი გიორგი ცინარიძე, მოადგილესთან და ხელვაჩაურის მუნიციპალიტეტის მერთან ერთად, მაჭახელას ხეობაში სხვადასხვა მიმართულებით განვითარებული ღვარცოფული და მეწყრული პროცესების სალიკვიდაციო სამუშაოებს გაეცნო.

სოფელ ზედა ჩხუტუნეთის საავტომობილო გზის ცალკეული მონაკვეთები ქვა-ღორღისგან გაიწმინდა, ხოლო ქედქედი-ჭანივრის მიმართულებით მიმდინარეობს დამეწყრილი საავტომობილო გზის გაწმენდის სამუშაოები და რამდენიმე საათში აღდგება საავტომობილო მოძრაობა.